İranın sabiq xarici işlər naziri, hazırda deputat olan Mənuçöhr Möttəki ABŞ Prezidenti Donald Trampın BMT Baş Assambleyasındakı çıxışı zamanı kürəkəninin zalda iştirakı ilə bağlı yaranan qalmaqalı şərh edib.

Far.Az xəbər verir ki, məlumatı "Azad İran" "Telegram" kanalı yayıb.

"Kürəkənimin vəzifəsi idi ki, Trampın çıxışı zamanı zalı tərk etməsin", - deyə o bildirib.

İran heyətinin digər üzvləri zalı tərk etdiyi halda, İranın Nyu-Yorkdakı nümayəndəliyinin əməkdaşı Nasir Əsədi İran heyətinin yerində oturub. Möttəki izah edib ki, Əsədi nümayəndəliyin mütəxəssisi kimi Trampın çıxışını qeydə almaq və ehtiyac yaranacağı təqdirdə cavab vermək üçün şərait yaratmaq məqsədilə zalda qalıb.

Əsədinin zalda qalması bir sıra şəxslərin tənqidinə səbəb olub. İran Xarici İşlər Nazirliyinin mətbuat katibi İsmayıl Bəqayi isə onu müdafiə edərək BMT Baş Assambleyasındakı İran kürsüsünü "səngər" adlandırıb və bildirib ki, diplomatlar çıxışları izləmək üçün zalda iştirak etməlidirlər.

Oxşar xəbərlər

ABŞ Prezidenti Donald Trampın təşəbbüsü ilə yaradılan Sülh Şurası təsis edilib

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Dünya mediası Azərbaycan Prezidentinin IV Şuşa Forumundakı çıxışını işıqlandırmaqda davam edir

Tənqid edilənlər, qalmaqal yaradanlar, ilklərə imza atıb, yeniliklər edənlər... - 2025-ci ilin əsas şou hadisələri