Futbol üzrə dünya çempionatında qrup mərhələsinin həlledici - üçüncü turun oyunları davam etməkdədir.

Far.Az Oxu.Az-a istinadən xəbər verir ki, qrup mərhələsinin sonuncu turu azarkeşlərə bir-birindən maraqlı qarşılaşmalar vəd edir.

E qrupunun həlledici görüşlərində Kürasao Kot-d'İvuarla, Ekvador isə Almaniya ilə üz-üzə gələcək. Hər iki matçın start fiti Bakı vaxtı ilə iyunun 26-ı saat 00:00-da səslənəcək.

Geridə qalan iki turdan sonra E qrupuna 6 xalla Almaniya liderlik edir. Aktivində 3 xal olan Kot-d'İvuar ikinci, Ekvador və Kürasao milliləri isə 1 xalla müvafiq olaraq üçüncü və dördüncü pillələri bölüşürlər.

F qrupunun qarşılaşmalarında isə Yaponiya İsveç ilə, Tunis isə Niderland ilə üz-üzə gələcək. Hər iki görüş iyunun 26-ı Bakı vaxtı ilə saat 03:00-da başlayacaq.

Hazırda F qrupunda vəziyyət belədir: 4 xal toplayan Niderland və Yaponiya ilk iki sıranı ələ keçirib. Onları 3 xalla üçüncü yerdə qərarlaşan İsveç izləyir, xal hesabını aça bilməyən Tunis isə sonuncu yerdədir.

D qrupunun mübarizəsində isə iyunun 26-i saat 06:00-da Türkiyə ABŞ ilə, Paraqvay isə Avstraliya ilə mühüm xallar uğrunda yaşıl meydanda gücünü sınayacaq.

D qrupunun turnir cədvəlinə nəzər salsaq, ABŞ-nin 6 xalla vahid lider olduğunu görərik. Avstraliya və Paraqvay hərəyə 3 xalla ikinci və üçüncü yerləri tutur, Türkiyə yığması isə qrupun autsayderidir və aktivində xal yoxdur.

Dünya çempionatı

III tur

E qrupu

26 iyun

00:00. Kürasao - Kot-d'İvuar

00:00. Ekvador - Almaniya.

F qrupu

26 iyun

03:00. Yaponiya - İsveç

03:00. Tunis - Niderland.

D qrupu

26 iyun

06:00. Türkiyə - ABŞ

06:00. Paraqvay - Avstraliya.

Qeyd edək ki, mundiala iyulun 19-da yekun vurulacaq.

Oxşar xəbərlər

Prezident Ərəb Koordinasiya Qrupuna üzv qurumların rəhbər şəxslərini qəbul edib

WUF13-ün beşinci günündən maraqlı anlar - FOTOREPORTAJ

Ucuz qiymətə qızıl almaq istəyənləri SEVİNDİRƏCƏK XƏBƏR

Bankda olan mənzillər təcili satışa çıxarıldı - QİYMƏTLƏR

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib