ABŞ-nin Texas ştatında təxminən iki həftə əvvəl özəl rançodan qaçan Qreysi adlı zürafə üçün axtarışlar davam edir.

Bu barədə "Far.Az" "HuffPost"a istinadən xəbər verir.

Qeyd olunub ki, hətta heyvanın yerini deyə şəxsə 5000 dollar mükafat da təklif edilib.

Ranço sahibi Vik Consun sözlərinə görə, üç yaşlı Qreysi adlı zürafə öz çəpərindən çıxıb qayalı yamaclar və sıx meşəlik əraziyə girib. Heyvanı axtarmaq üçün vertolyotlardan istifadə edilib və çoxsaylı şahid ifadələri araşdırılıb. Lakin zürafə kiçik bir ağacın hündürlüyünə çatsa da, hələ də tapılmayıb.

V. Cons bildirib ki, problem ondadır ki, Qreysinin mümkün yeri haqqında məlumat bir neçə gün gecikir, buna görə də axtarış qrupları gələnə qədər heyvan artıq yoxa çıxıb.

Real Qraflığının şerifi Neytan Conson illər ərzində qaçan zebraları, vəhşi heyvanları, camışları və meymunları axtardığını, lakin bu, onun zürafə axtarmaqla ilk təcrübəsi olduğunu bildirib. Hakimiyyət orqanları qeyd edir ki, Qreysi yerli sakinlər üçün heç bir təhlükə yaratmır.

Oxşar xəbərlər

Heydər Əliyev Mərkəzində "Vəhşi təbiətin super qəhrəmanları" sərgisi açılıb

Bakıda güclü külək 78 ağacı aşırdı, 40 ağacın budaqları qırıldı

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN