Mərkəzi Bankın cari ilin iyun ayına olan hesabatına görə, Azərbaycanda problemli kreditlərin həcmində artım müşahidə olunub. Belə ki, vaxtı keçmiş kreditlərin ümumi məbləği 635.4 milyon manat təşkil edir ki, bu da may ayı ilə müqayisədə 3.45% çoxdur.

BAKU.WS xəbər verir ki, mövzu ilə bağlı "Azad Azərbaycan" (ATV) telekanalı videomaterial hazırlayıb.

İqtisadçı Emin Qəribli bu artımın əsas səbəblərini aşağıdakı amillərlə əlaqələndirir:

- İstehlak kreditlərinin faizləri biznes kreditləri ilə müqayisədə daha yüksəkdir, bu da onları geri qaytarmağı çətinləşdirir.

- Ötən 6 ay ərzində makroiqtisadi göstəricilərin müəyyən dərəcədə zəif olması biznes mühitinə və sahibkarların aktivliyinə təsir göstərib.

Bank sahəsi üzrə mütəxəssis Emin Kərimov vətəndaşları kredit götürərkən daha ehtiyatlı olmağa çağırır:

- Vətəndaşlar ehtiyac olmadığı halda kredit götürməkdən və özlərini maliyyə yükü altına salmaqdan çəkinməlidirlər.

- Kredit götürməzdən əvvəl onun necə ödəniləcəyi dəqiq müəyyən edilməlidir.

- Çətin vəziyyətdə olan şəxslər banklardan kreditin restrukturizasiyasını tələb edə bilərlər. Bu, daha yumşaq şərtlərlə və uzun müddətə borcun bağlanmasını təmin edir.

Mütəxəssislər xəbərdarlıq edirlər ki, şirnikləndirici reklamlara aldanmamaq və lazımsız kreditləşmədən qaçmaq problemli kreditlərin qarşısının alınması üçün ən vacib addımdır.

Oxşar xəbərlər

Problemli kreditlərdən necə xilas ola bilərik?

Prezident İlham Əliyev Mərkəzi Bankın yeni binasının açılışında iştirak edib

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

İstanbulda soydaşlarımız üçün Ramazan ayı münasibətilə iftar mərasimi təşkil edilib

Plastik kartla həyat: kredit kartı borcları niyə böyüyür?