Sabunçu rayonunun Pirşağı qəsəbəsində yaşayan sakinlər Hüseynbala Əliyev küçəsində yolun uzun müddətdir yararsız vəziyyətdə qalmasından şikayətçidirlər.

Baku TV-nin qaynar xəttinə müraciət edən sakinlər bildirirlər ki, küçədə təxminən iki il əvvəl müxtəlif kommunikasiya xətlərinin çəkilməsi məqsədilə qazıntı işləri aparılıb. Lakin işlər başa çatdıqdan sonra yolun asfalt örtüyü bərpa edilməyib.

"Yollarımızı qazıb bərbad vəziyyətə qoydular. Uşaqlar məktəbə gedə bilmir, taksi və təcili yardım maşınları məhəlləyə daxil olmaqda çətinlik çəkirlər", - deyə sakinlərdən biri qeyd edib:

"İndi yağış yoxdur, yağış yağanda camaat buradan qayıqla gedir".

Vətəndaşların sözlərinə görə, məsələ ilə bağlı dəfələrlə aidiyyəti qurumlara müraciət etsələr də, problem indiyədək həllini tapmayıb.

Oxşar xəbərlər

Lökbatandakı yanğına helikopterlər indiyədək 200 ton su töküb - YENİLƏNİB-4

Lökbatandakı yanğına helikopterlər indiyədək 150 ton su töküb - YENİLƏNİB-4

Bakıda 7 küçədə üzərində evlər tikilən su-kanalizasiya xətlərinin yeri dəyişdirilir

Pirşağı–Novxanı–Xırdalan–M4 avtomobil yolunun tikintisi layihəsinin 51 %-i icra edilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN