İran və Qətər arasında dəniz yükdaşımaları yenidən bərpa olunub.

BAKU.WS xəbər verir ki, bu barədə "Reuters" agentliyi İran mediasına istinadən məlumat yayıb.

İranın Dohadakı ticarət attaşesi Abbas Əbdülxaninin sözlərinə görə, təxminən beş aylıq fasilədən sonra İranın Deyyer limanı ilə Qətərin Ər-Ruvays limanı arasında dəniz daşımaları yenidən başlayıb. Marşrutun bərpası İranın Dohadakı səfirliyi ilə Qətər rəsmiləri arasında aparılan koordinasiya nəticəsində mümkün olub.

Məlumata əsasən, Fars körfəzindən keçən ən qısa kommersiya dəniz yolu hesab olunan bu marşrut əsasən regional ticarət əlaqələrinə xidmət edir.

Qeyd edək ki, İran, ABŞ və İsrail arasında baş vermiş hərbi qarşıdurma zamanı Deyyer limanı bir neçə dəfə hücuma məruz qalmışdı. Bundan əvvəl Qətərin Nəqliyyat Nazirliyi də ölkədə dəniz yükdaşımalarının tam həcmdə bərpa olunduğunu açıqlamışdı.

Oxşar xəbərlər

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

Prezident Ərəb Koordinasiya Qrupuna üzv qurumların rəhbər şəxslərini qəbul edib

Mehriban Əliyeva Vatikanda Müqəddəs Komodilya katakombalarının bərpası layihəsinin açılışında iştirak edib

Dövlət rəsmiləri Hərbi Memorial Məzarlığı ziyarət ediblər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN