Almaniyanın avtomobil nəhəngi Volkswagen (VW) tarixindəki ən çətin dövrlərdən birini yaşayır.

Far.Az xəbər verir ki, şirkət rəhbərliyi nəhəng avtomobil istehsalçısını iflas təhlükəsindən qurtarmaq üçün radikal qərarlar qəbul edib.

Xərclərini azaltmaq və səmərəliliyi artırmaq məqsədilə genişmiqyaslı islahatlara başlayır:

Bu səbəbdən 2031-ci ilə qədər Almaniyadakı 4 əsas yığım zavodunun yəni, Hannover, Zvikau, Emden və Nekkarsulmdakı (Audi) fəaliyyəti dayandırılacaq.

Əsas Volkswagen brendi ilə komponent istehsalı bölmələri bir-birindən ayrılaraq müstəqil hüquqi şəxslərə çevriləcək.

Növbəti beş il ərzində kapital qoyuluşları 15% azaldılaraq təxminən 50 milyard avro səviyyəsinə endiriləcək.

Ümumilikdə 2030-cu ilin sonuna qədər 11 milyard avroya yaxın xərclərə qənaət edilməsi hədəflənir.

Şirkətin xilas planı işçi qüvvəsinə də ciddi təsir göstərəcək.

Təxminən 100 000 işçinin ixtisarı gözlənilir ki, bu da Almaniya sənayesində böyük rezonans doğurub.

Oxşar xəbərlər

Prezident İlham Əliyev Sumqayıt Sənaye Parkında güzgü vərəqələrin istehsalı zavodunun açılışında iştirak edib

9 Fərqli Rəng Seçimi ilə Yeni Audi Q5 Tezliklə Azərbaycanda!

Prezident İlham Əliyev "AZWOOL" mineral daş yunu zavodunun açılışında iştirak edib

Ağsu dolaylarındakı son durum: Sürüşmə riskini azaltmaq üçün tədbirlər görülür

Mərkəzi Bank tərəfindən media nümayəndələri üçün "Kapital bazarlarının əsasları" mövzusunda təlim keçirilib