Omanda Hörmüz boğazında, Musandam vilayətinin sahilləri yaxınlığında qəzaya uğrayan GFS Galaxy gəmisinin 23 ekipaj üzvü xilas edilib, itkin düşən bir dənizçinin axtarışları davam etdirilir.

"Report" xəbər verir ki, bu barədə Oman Sultanlığının Dəniz Təhlükəsizliyi Mərkəzi məlumat yayıb.

"Fövqəladə hallar xidmətləri Kipr Respublikasının bayrağı altında hərəkət edən GFS Galaxy ticarət gəmisi tərəfindən verilən fəlakət siqnalına reaksiya verib, 23 heyət üzvünü xilas etmək mümkün olub", - deyə bəyanatda bildirilir.

Qeyd olunub ki, hadisə sahildən 4,4 dəniz mili məsafədə baş verib.

Daha əvvəl Böyük Britaniyanın Dəniz Ticarət Əməliyyatları İdarəsi (UKMTO) məlumat vermişdi ki, konteyner gəmisinin Oman sahillərindən 16 kilometr şərqdə arxa hissəsi zədələnib və nəticədə göyərtədə yanğın baş verib.

Oxşar xəbərlər

Heydər Əliyev Fondunun vitse-prezidenti Leyla Əliyeva Omanda səfərdədir

I Qarabağ müharibəsinin daha üç itkin-şəhidi dəfn olunub

Lökbatanda anbarda GÜCLÜ YANĞIN - Kəmaləddin Heydərov hadisə yerinə gəldi

AZAL təyyarəsinin Aktau yaxınlığında qəzaya uğraması ilə bağlı anım tədbiri keçirilib

Bakıda yanğın təhlükəsizliyi pozulan topdansatış mağazası bağlandı