Almaniya Ukraynaya 50 min zərbə tipli pilotsuz uçuş aparatının (PUA) tədarükünü maliyyələşdirəcək. Bu, Qərb ölkələri tərəfindən Kiyevə ayrılan ən böyük məlum PUA sifarişlərindən biri hesab olunur.

"Report" xəbər verir ki, bu barədə Reuters agentliyi məlumatlı mənbəyə istinadən xəbər yayıb.

Məlumata görə, sifarişə Ukraynanın iri istehsalçılarından biri olan SkyFall şirkətinin istehsal etdiyi Shrike dronları daxildir. Bu pilotsuz aparatlara ABŞ-ın müdafiə texnologiyaları sahəsində ixtisaslaşmış Auterion şirkətinin proqram təminatı quraşdırılıb. Həmin proqram təminatı uçuşun son mərhələsində hərəkətdə olan hədəfləri avtonom şəkildə izləmək və məhv etmək üçün nəzərdə tutulub.

Auterion şirkətinin baş icraçı direktoru Lorens Mayer müqavilənin mövcudluğunu təsdiqləyib. Onun sözlərinə görə, müqavilənin dəyəri təxminən 90 milyon avro (103 milyon ABŞ dolları) təşkil edir və maliyyələşdirmə Avropa ölkələrindən biri tərəfindən həyata keçirilir.

Mayer Reuters agentliyinə bildirib ki, pilotsuz aparatların bir hissəsi artıq Ukrayna hökumətinə təhvil verilib, qalanlarının isə bu il ərzində çatdırılması planlaşdırılır.

Almaniyanın Müdafiə Nazirliyi isə əməliyyat təhlükəsizliyi ilə bağlı mülahizələri əsas gətirərək məsələni şərh etməkdən imtina edib.

Oxşar xəbərlər

Leyla Əliyeva və Alyona Əliyeva Qubada internat tipli ümumtəhsil məktəbini və STEAM mərkəzini ziyarət ediblər

Kiyevə raket hücumu zamanı Azərbaycanın Ukraynadakı səfirliyinə ciddi ziyan dəyib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Azərbaycanda mülki aviasiya xidmətləri ilə bağlı tariflər QÜVVƏYƏ MİNDİ