Avropa İttifaqı (Aİ) Şurası Avropa Sülh Fondu çərçivəsində Moldova Silahlı Qüvvələrinin dəstəklənməsi və ölkənin hava hücumundan müdafiə (HHM) sahəsindəki imkanlarının gücləndirilməsi üçün 120 milyon avronun ayrılmasını təsdiqləyib.

"Far.Az" xəbər verir ki, bu barədə Aİ Şurası məlumat yayıb.

Vəsait Moldova ordusu üçün ortamənzilli HHM sisteminin tədarükünün maliyyələşdirilməsinə yönəldiləcək. Bu tədbir Aİ tərəfindən hava müşahidəsi və HHM sistemlərinin inkişafında əvvəllər göstərilən yardımı tamamlayacaq.

Brüsseldən qeyd edilib ki, yeni dəstək Moldova Silahlı Qüvvələrinə əməliyyat səmərəliliyini artırmağa və mülki əhalinin daha etibarlı müdafiəsini təmin etməyə imkan verəcək.

Yeni paket nəzərə alınmaqla, Avropa Sülh Fondu vasitəsilə Moldovaya göstərilən yardımın ümumi həcmi 317 milyon avroya çatıb.

Oxşar xəbərlər

Bakıda Azərbaycan səhiyyəsi üçün önəmli tədbir keçirilib

ABŞ Prezidenti Donald Trampın təşəbbüsü ilə yaradılan Sülh Şurası təsis edilib

İlham Əliyev Cənub Qaz Dəhlizi Məşvərət Şurası çərçivəsində nazirlərin 12-ci iclasında iştirak edib

Azərbaycanın və BƏƏ prezidentləri Əbu-Dabidə "Sülh Qalxanı – 2026" birgə əməliyyat-taktiki təlimini izləyiblər

SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib