Fransada Parisdən təxminən 60 kilometr cənub-şərqdə yerləşən məşhur Fontenblo meşəsində yanğın bir həftədən çoxdur davam edir.

"Report"un yerli BFM TV telekanalına istinadən məlumatına görə, yanğınla 500-dən çox insan mübarizə aparır.

Daxili işlər naziri Loran Nunyes Paris regionu üçün misli görünməmiş aviasiya ehtiyatlarının yanğını söndürmək üçün səfərbər olunduğunu, lakin iyulun 13-də axşama qədər yanğının artıq 1 300 hektar ərazini əhatə etdiyini açıqlayıb. "Təəssüf ki, əsas yanğından beş kilometr aralıda ikinci yanğın başlayıb və artıq 100 hektardan çox əraziyə yayılıb", - o qeyd edib.

Yanğını qəsdən törətməkdə şübhəli bilinən iki nəfər həbs edilib.

Xatırladaq ki, yanğın ötən bazar günü başlayıb və onu söndürmək səyləri güclü külək və torflu torpaq səbəbindən çətinləşir. Yerli hakimiyyət orqanları sakinləri yaxınlıqdakı yaşayış məntəqələrindən təxliyə edir.

Yanğının yayılması bir neçə yolun bağlanmasına və dəmir yolu nəqliyyatının sıradan çıxmasına səbəb olub. "France 24" telekanalı daha əvvəl yanğının meşənin təxminən 5 %-ni məhv etdiyini bildirib.

Oxşar xəbərlər

Lökbatanda anbardakı yanğınla bağlı əməliyyat qərargahı yaradıldı - YENİLƏNİB-4

Prezident İlham Əliyev Milli Aviasiya Akademiyasında Beynəlxalq Təlim Mərkəzinin açılışında iştirak edib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2