Konqo Demokratik Respublikasında Ebola virusunun yayılması davam edir. Son məlumata görə, ölkədə təsdiqlənmiş yoluxma hallarının sayı 2 011-ə, ölənlərin sayı isə 754-ə yüksəlib.

BAKU.WS xəbər verir ki, bu barədə ölkənin səhiyyə qurumları məlumat yayıb.

Bildirilib ki, epidemiyanın əsas ocağı hələ də İturi əyalətidir. Bununla yanaşı, Şimali Kivu, Cənubi Kivu, O-Uele (Haut-Uele) və Tshopo əyalətlərində də yoluxma halları qeydə alınır.

Rəsmi məlumata əsasən, hazırda 753 nəfər təcrid şəraitində müalicə olunur, 366 xəstə isə sağalaraq evə buraxılıb.

Səhiyyə rəsmiləri İturidə virusun intensiv şəkildə yayılmağa davam etdiyini, O-Uele əyalətində aşkarlanan yeni yoluxmaların isə xəstəliyin coğrafi baxımdan daha geniş əraziyə yayıldığını göstərdiyini bildiriblər. Onların sözlərinə görə, bu vəziyyət epidemioloji nəzarətin, diaqnostika imkanlarının və operativ müdaxilə tədbirlərinin gücləndirilməsini zəruri edir.

Mütəxəssislər qeyd edirlər ki, epidemiya hələ də yoluxma hallarının sürətlə artdığı "fasiləsiz ötürülmə" mərhələsindədir.

Qeyd edək ki, Konqo Demokratik Respublikası bu il mayın 15-də Bundibuqyo növü Ebola virusunun səbəb olduğu epidemiyanı rəsmi şəkildə elan etmişdi.

Oxşar xəbərlər

Bakıda TDT Xəritəçəkmə Qurumları Rəhbərlərinin ikinci iclası keçirilib, bəyannamə qəbul edilib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Prezident İlham Əliyev Bakı Enerji Həftəsinin rəsmi açılış mərasimində iştirak edib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Dövlət rəsmiləri Hərbi Memorial Məzarlığı ziyarət ediblər