Dövlət Şəhərsalma və Arxitektura Komitəsinin Kollegiyası "Neft və neft məhsulları anbarları. Layihələndirmə normaları"nı təsdiqləyib.

Far.Az xəbər verir ki, bununla bağlı Kollegiyanın sədri Anar Quliyev yeni qərar imzalayıb.

Qərara əsasən, bu normalar yeni və yenidən qurulan neft və neft məhsulları anbarlarının layihələndirilməsinə şamil edilir və həmin obyektlər üçün yanğın təhlükəsizliyi tələblərini müəyyən edir.

Normalar aşağıdakılara şamil edilmir:

- xüsusi normalar əsasında layihələndirilən qeyri-mülki təyinatlı neft və neft məhsulları anbarları;

- sıxılmış karbohidrogen qazlarının saxlanılması üçün nəzərdə tutulmuş anbarlar;

- 20 °C temperaturda doymuş buxar təzyiqi 93,1 kPa-dan (700 mm civə sütunu) çox olan neft və neft məhsullarının anbarları;

- sintetik yağ əvəzedicilərinin saxlanılması üçün nəzərdə tutulmuş anbarlar;

- qaya süxurlarında və daş duz yataqlarında yerləşən yeraltı anbarlar;

- tərkibinə texnoloji qurğular daxil olan və ya texnoloji qurğu kimi istifadə olunan rerzervuarlar və digər tutumlar.

Komitənin Ümumi işlər və Hüquq şöbəsinə bu Qərarın 3 gün müddətində Hüquqi Aktların Dövlət Reyestrinə daxil edilməsi üçün Ədliyyə Nazirliyinə təqdim edilməsi tapşırılıb.

Oxşar xəbərlər

Azərbaycanda neft və neft məhsulları anbarlarına dair layihələndirmə normaları təsdiqlənib

"Sarsılmaz Tərəfdaşlıq-2025" birgə xüsusi təyinatlı qüvvələr təlimi sona çatıb

Anar Ələkbərov "44" bədii filminin çəkilişlərinin başa çatması barədə paylaşım edib

İlham Əliyevin sədrliyi ilə Bakı və Abşeronda su təchizatına dair Dövlət Proqramına həsr olunan müşavirə keçirilib - YENİLƏNİB

Bakıda Ümumdünya Şəhərsalma Forumunun 13-cü Sessiyasının açılış mərasimi keçirilir Prezident İlham Əliyev çıxış edib