Qala Dövlət Tarix-Etnoqrafiya Qoruğunun dəstəyi və Bakı İllüziya Muzeyi tərəfindən yaradılan BİMLAND Uşaq Əyləncə Mərkəzi fəaliyyətə başlayıb. Layihənin məqsədi uşaqların asudə vaxtının səmərəli təşkili, ailəvi istirahət imkanlarının genişləndirilməsi və təhlükəsiz açıq hava əyləncə məkanının yaradılmasıdır.

7 000 kvadratmetr açıq hava ərazisini əhatə edən BİMLAND ölkənin ən böyük açıq hava uşaq əyləncə mərkəzlərindən biridir. Burada 5 müasir mexaniki atraksion, 26 şişirtmə batut və müxtəlif yaş qrupları üçün nəzərdə tutulmuş əyləncə zonaları fəaliyyət göstərir. Kompleksdə uşaqlarla yanaşı, valideynlər üçün də "Viking" və "Bizon" kimi adrenalini yüksək atraksionlar, həmçinin kafe və restoran xidmətləri mövcuddur.

BİMLAND-da tətbiq olunan əsas yeniliklərdən biri limitsiz əyləncə konsepsiyasıdır. Ziyarətçilər hər gün saat 18:00–24:00 aralığında giriş bileti ilə parkdakı bütün atraksionlardan limitsiz istifadə edə biləcəklər.

Rəsmi açılış mərasimində dövlət qurumlarının nümayəndələri, media təmsilçiləri, ictimai xadimlər və tərəfdaş təşkilatların nümayəndələri iştirak ediblər.

Oxşar xəbərlər

Gələcəyə ümidlə baxan uşaqların sağlamlıq arzusu burada gerçəkləşə bilər

Paytaxtda Bakı İllüziya Muzeyi fəaliyyətə başlayıb

Bakının mərkəzində əyləncə məkanının fəaliyyəti dayandırıldı

ABŞ Prezidenti Donald Trampın təşəbbüsü ilə yaradılan Sülh Şurası təsis edilib

Leyla Əliyeva, Arzu Əliyeva və Alyona Əliyeva "Təmiz Dünya" sığınacağındakı uşaqların bayram sevincinə şərik olublar