ABŞ Prezidenti Donald Trampın komandası Avropa ərazisində və dünyanın digər regionlarında MAGA ("Make America Great Again") hərəkatı ilə bağlı layihələrə dəstək verməyə yönəlmiş qrant vəsaitlərinin bölüşdürülməsinə hazırlıq görür.

"Report" xəbər verir ki, bu barədə "Financial Times" (FT) nəşri müvafiq sənədə istinadən məlumat yayıb.

Qəzet vurğulayıb ki, bu maliyyələşdirmənin əsas vəzifələri arasında Avropa dövlətlərində, ilk növbədə, "ciddi təhdidlərə məruz qalan" Böyük Britaniyada söz azadlığının gücləndirilməsi yer alır. Qəzetin tanış olduğu sənəddə "senzuraya qarşı mübarizə"yə təxminən 2 milyon dolların yönəldilməsi, həmçinin Avropada "sivilizasiya alyansının formalaşdırılması"na 5 milyon dolların ayrılması nəzərdə tutulur.

"Qrant vəsaitlərinin xərclənməsinin mümkün istiqamətləri arasında həmçinin Avropa qitəsində "fikir ifadəsi azadlığının, siyasi rəqabətin və milli suverenliyin təmin edilməsi" üzrə layihələr də yer alır", - FT bildirib.

Avropa təşəbbüslərinin dəstəklənməsinin qeyd olunan variantlarından əlavə, təxminən 40 milyon dollar həcmindəki ən böyük qrantın Amerikanın "Kommunizm Qurbanları Xatirə Fondu"na verilməsi nəzərdə tutulur.

Oxşar xəbərlər

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

ABŞ Prezidenti Donald Trampın təşəbbüsü ilə yaradılan Sülh Şurası təsis edilib

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

Prezident İlham Əliyev Şuşanın Böyük Qaladərəsi kəndində görülən işlərlə tanış olub, sakinlərlə görüşüb

Bakıda keçirilən 6-cı Startap Forumunun iştirakçılarına qrantlar ayrılıb