Qətər, Misir, Pakistan və digər regional vasitəçilər Vaşinqtonla Tehrana on günlük atəşkəs barədə təklif göndərib.

"Report" xəbər verir ki, bu barədə məlumatlı mənbələrə istinadən "Axios" portalı yazıb.

Məlumata görə, ABŞ Prezidenti Donald Trampın administrasiyası bu təşəbbüsü təhlil edir və İsraili diplomatik imkanlar pəncərəsinin bağlanmasına səbəb ola biləcək hərəkətlərdən çəkinməyə çağırıb.

Bununla yanaşı, "Axios" vurğulayıb ki, Amerika tərəfi paralel olaraq İranla danışıqların uğursuzluqla başa çatacağı ssenariyə hazırlaşır.

"İrəli sürülmüş təşəbbüs atəşkəs rejimi ilə yanaşı, Hörmüz boğazında sərbəst gəmiçiliyin bərpasını da ehtiva edir və Vaşinqtonla Tehrana pozulmaqda olan anlaşma memorandumunu qoruyub saxlamaq imkanı verməyə yönəlib. Hazırda nə Amerika, nə də İran tərəfi vasitəçilərin irəli sürdüyü təklifə razılıq verib", - nəşr qeyd edib.

Portalın ABŞ administrasiyasındakı mənbəsinin açıqladığı mövqeyə əsasən, hər iki tərəf diplomatik prosesdə iştirakını davam etdirir, lakin Tramp zəruri hesab etdiyi müddətcə Vaşinqton İslam Respublikasına qarşı hərbi əməliyyatları davam etdirmək niyyətindədir.

Oxşar xəbərlər

ABŞ Prezidenti Donald Trampın təşəbbüsü ilə yaradılan Sülh Şurası təsis edilib

Leyla Əliyevanın təşəbbüsü ilə uşaq evlərinin komandaları arasında növbəti minifutbol turniri təşkil olunub

Banqladeş, Qətər, Pakistan vətəndaşları İrandan Azərbaycana təxliyə olunub

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2