ABŞ-nin müdafiə naziri Pit Heqset bildirib ki, İranla davam edən hərbi əməliyyatların dəyəri artıq 37,5 milyard dollara yüksəlib.

Far.Az xəbər verir ki, o, bu barədə ABŞ Senatının Ödənişlər Komitəsində Müdafiə Nazirliyi üçün tələb olunan əlavə büdcə müzakirələri zamanı danışıb.

Heqset deyib ki, 2026-cı maliyyə ili üçün nəzərdə tutulan əlavə vəsait Müdafiə Nazirliyinin təcili ehtiyaclarının qarşılanması baxımından vacibdir. Onun sözlərinə görə, süni intellekt, avtonom sistemlər, kosmik texnologiyalar və digər strateji sahələrə vaxtında investisiya qoyulmaması ABŞ-nin rəqiblərindən geri qalmasına səbəb ola bilər.

Demokrat senator Dik Dörbinin İranla müharibənin maliyyə yükü ilə bağlı sualını cavablandıran nazir hazırkı məbləğin 37,5 milyard dollar olduğunu açıqlayıb.

Pit Heqset əlavə edib ki, tələb olunan maliyyə ayrılmazsa, ordunun sursat və hərbi texnikanı yeniləməsi çətinləşə, hətta hərbçilərin maaşlarının ödənilməsində problemlər yarana bilər.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Prezident İlham Əliyev Xocalıda hərbi qulluqçular üçün nəzərdə tutulan fərdi evlərdə yaradılmış şəraitlə tanış olub

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Tanınmış kardioloqlar, kardio-onkoloqlar, eləcə də süni intellekt və robot texnologiyaları üzrə mütəxəssislər bir arada