Albaniya Ukraynanın Donetsk vilayətinin Slavyansk şəhərinə Latviyanın fəxri konsulluğunun binasına ziyan dəyməsilə nəticələnən Rusiya hücumunu qınayıb.

"Far.Az"un Balkan bürosu xəbər verir ki, bu barədə Albaniyanın xarici işlər naziri Ferit Hoxha "X" sosial şəbəkə hesabında paylaşım edib.

"Biz Slovyanskda Latviyanın fəxri konsulluğuna zərbə endirən Rusiya hücumunu qətiyyətlə qınayırıq. Albaniya Latviya və Ukrayna ilə tam həmrəydir", - nazir bildirib.

O, Albaniyanın diplomatik nümayəndəliklərinin də oxşar hücumlarda hədəfə alındığını xatırladıb:

"Biz öz təcrübəmizdən bilirik ki, bu cür hücumlar sadəcə binalara edilən hücumlar deyil. Onlar beynəlxalq hüquqa, qaydalara əsaslanan beynəlxalq nizama və demokratik dünyanı birləşdirən prinsiplərə qarşı hücumlardır. Lakin onlar nə Ukraynanın cəsarətini, nə də beynəlxalq ictimaiyyətin Ukraynanın yanında olmaq həmrəyliyini və qətiyyətini məhv edə biləcək".

Qeyd edək ki, Slavyanska hücum nəticəsində 5 nəfərin öldüyü, 9 nəfərin yaralandığı açıqlanıb. İnsidentlə bağlı Latviya Rusiyaya nota verib.

Oxşar xəbərlər

Ferit Hoxha: Aİ-nin heç bir üzvü Albaniyanın ittifaqa qoşulmasını bloklamayıb

Növbəti köç karvanı Kəlbəcər şəhərinə çatıb

İrandan 5 ölkənin diplomatik nümayəndəliklərinin əməkdaşları Azərbaycana təxliyə olunub - YENİLƏNİB-2

Köç karvanı Ağdam şəhərinə çatıb, açarlar təqdim edilib

Köç karvanı Ağdam şəhərinə çatıb