İran və Oman arasında xarici işlər nazirlərinin müavinləri səviyyəsində Hörmüz boğazında gəmiçiliyin təhlükəsizliyinin təmin olunması barədə müzakirələr keçirilib.

"Far.Az"un "Mehr" Xəbər Agentliyinə istinadən məlumatına görə, bu barədə İran Xarici İşlər Nazirliyinin (XİN) sözçüsü İsmayıl Bəqai jurnalistlərin suallarını cavablandırarkən danışıb.

"Cümə və şənbə günləri Tehranda İran və Oman arasında xarici işlər nazirlərinin müavinləri səviyyəsində danışıqlar keçirilib. Bu müddət ərzində hər iki tərəf iki sahilyanı dövlətin suverenlik hüquqlarına riayət etməklə Hörmüz boğazında gəmiçiliyin təhlükəsizliyinin təmin olunması üçün ortaq prinsiplər və əməliyyat mexanizmləri barədə fikir mübadiləsi aparıblar", - Bəqai vurğulayıb.

XİN sözçüsü qeyd edib ki, Oman nümayəndə heyəti şənbə günü axşam Tehranı tərk edib, lakin iki tərəf arasında texniki və siyasi məsləhətləşmələr davam edir.

Bəqai bu danışıqların faydalı olduğunu və irəliləyişlərin əldə edildiyini bildirsə də, Hörmüz boğazındakı hərəkət vəziyyətində hər hansı bir dəyişiklik yaranmadığını da açıqlayıb.

Daha əvvəl "Axios" Oman və İranın cari həftənin sonunadək Hörmüz boğazı vasitəsilə gəmiçiliyin bərpası barədə razılaşma imzalamağa yaxın olduğunu yazmışdı.

Oxşar xəbərlər

Şəhidlər xiyabanına xalq ziyarəti axşam saatlarında da davam edir

SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib

20 Sentyabr - Neftçilər Günü münasibətilə tədbir keçirilib

Türkiyə Ali Məhkəməsinin nümayəndə heyəti Xankəndidə olub

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3