İranyönlü qruplaşmalarının birliyi olan "İraq İslam Müqaviməti" Səudiyyə Ərəbistanını hər hansı təzyiq cəhdinə qarşı "sərt cavab" veriləcəyi barədə xəbərdar edib.

"Report"un məlumatına görə, bununla bağlı bəyanat birliyin rəsmi Telegram kanalında yayımlanıb.

Xəbərdarlıq Səudiyyə Ərəbistanı Xarici İşlər Nazirliyinin İraq silahlı qruplaşmalarının pilotsuz uçuş aparatları ilə neft infrastrukturuna hücum cəhdlərində ittiham olunduğunu bildirərək, krallığın bu cür hərəkətlərə cavab verməyə hazır olduğunu açıqlamasından sonra edilib.

Bununla yanaşı, "İraq İslam Müqaviməti" enerji obyektlərinə zərbələrdə iştirakla bağlı ittihamları rədd edərək, onları əsassız adlandırıb.

Eyni zamanda, "Ənsar Allah" (husilər) hərəkatı hücuma görə məsuliyyəti öz üzərinə götürərək, Səudiyyə Ərəbistanının şərqdəki neft yataqlarını Qırmızı dənizdəki Yənbu limanı ilə birləşdirən neft nəqli marşrutlarına zərbə endirdiyini bəyan edib.

Oxşar xəbərlər

Prezident İlham Əliyev Bakı Enerji Həftəsinin rəsmi açılış mərasimində iştirak edib

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Leyla Əliyeva Liv Bona Dea Hospitalında Sümük iliyi nəqli mərkəzinin açılışında iştirak edib

Bişkekdə TDT ölkələri hökumət başçılarının iclası olub, Birgə Bəyanat qəbul edilib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3