Çin ordusu Azərbaycan Silahlı Qüvvələri ilə mübadilə və əməkdaşlığı bundan sonra da genişləndirməyə, ikitərəfli münasibətlərin inkişafına yeni töhfələr verməyə hazırdır.

"Far.Az" xəbər verir ki, bu barədə Çinin Azərbaycandakı səfiri Lu Mey Çin Xalq Azadlıq Ordusunun yaradılmasının 99-cu ildönümünə həsr olunmuş tədbirdə bildirib.

Diplomatın sözlərinə görə, hərbi əməkdaşlıq Bakı ilə Pekin arasında hərtərəfli strateji tərəfdaşlığın mühüm tərkib hissəsidir.

"Çin və Azərbaycan strateji tərəfdaşlardır. Dövlət başçılarımızın strateji rəhbərliyi altında Çin-Azərbaycan münasibətləri davamlı müsbət dinamikanı qoruyub saxlayır, müxtəlif sahələrdə əməkdaşlıq isə durmadan inkişaf edərək ölkələrimizin xalqlarına real nəticələr verir", - Lu Mey bildirib.

O vurğulayıb ki, Çin tərəfi Azərbaycanla birlikdə iki dövlətin liderləri tərəfindən əldə olunmuş mühüm razılaşmaları həyata keçirmək, "Bir kəmər - bir yol" təşəbbüsünün reallaşdırılması və süni intellekt texnologiyalarının inkişafı da daxil olmaqla, bütün istiqamətlərdə əməkdaşlığı dərinləşdirmək, eləcə də həm regionda, həm də bütün dünyada sülhün möhkəmləndirilməsinə və dayanıqlı inkişafa birgə töhfə vermək niyyətindədir.

Oxşar xəbərlər

Vətən müharibəsində Qələbənin beşinci ildönümünə həsr olunmuş Hərbi parad keçirilib

Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub

Ağdam və Füzulidə Heydər Əliyevin 103-cü ildönümünə həsr olunan tədbirlər keçirilib

Lu Mey Bakı və Pekinin əməkdaşlıq prioritetləri barədə: Orta Dəhliz, yaşıl enerji və süni intellekt – MÜSAHİBƏ

Azərbaycanla Ruanda arasında sənədlər mübadilə olunub, prezidentlər mətbuata bəyanatlarla çıxış edib