Maddi zərərlə nəticələnən və xəsarət alan olmayan yol-nəqliyyat hadisələri zamanı sürücülərə yolun hərəkət hissəsini uzun müddət bağlı saxlamamaq tövsiyə olunur.

Far.Az xəbər verir ki, bununla bağlı DYP sürücülərə müraciətində bildirilib.

Qeyd olunub ki, belə hallarda tərəflər arasında təqsirlə bağlı mübahisə yoxdursa, hadisə barədə polisə məlumat verildikdən sonra nəqliyyat vasitələri yolun hərəkət hissəsindən kənarlaşdırılmalıdır. Qəza baş verdikdə ilk növbədə qəza işıq siqnalı yandırılmalı, qəza dayanma nişanı yerləşdirilməli və polisə məlumat verilməlidir.

Həmçinin vurğulanıb ki, avtomobillərin yolun hərəkət hissəsində saxlanılması digər nəqliyyat vasitələrinin hərəkətinə mane olur və süni tıxacların yaranmasına səbəb olur. Belə hallarda qanunvericiliyin tələblərinə uyğun şəkildə yolun boşaldılması vacibdir.

Bildirilib ki, yolun hərəkət hissəsində lüzumsuz gözləmə yeni qəzaların baş vermə riskini artırır və nəqliyyatın hərəkətini çətinləşdirir.

Sonda sürücülər məsuliyyətli olmağa çağırılıb və qeyd edilib ki, yol hərəkəti qaydalarına əməl etmək həm özlərinin, həm də digər hərəkət iştirakçılarının təhlükəsizliyinin təmin olunmasına xidmət edir.

View this post on Instagram

A post shared by @baku.ws_official

Oxşar xəbərlər

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Anar Rzayev: "2030-cu ildə Bakıda nəqliyyat sıxlığı ciddi azalacaq"