İstanbulda aralarında azərbaycanlıların da olduğu beynəlxalq cinayətkar dəstənin üzvləri saxlanılıb.

BAKU.WS Oxu.Az-a istinadən xəbər verir ki, bu barədə "Sabah" qəzeti məlumat yayıb.

Həmin şəxslər müxtəlif ölkə vətəndaşlarını investisiya və "Forex"də qazanc vədi ilə aldadıblar.

Ticarət mərkəzlərinin birində "Vend Teknoloji" adı altında guya çağrı mərkəzi kimi fəaliyyət göstərən şirkətin əslində Yaponiya və Cənubi Koreya vətəndaşlarını hədəf alan beynəlxalq fırıldaqçılıqla məşğul olduğu aşkar edilib.

Şirkət rəhbərlərinin mobil telefonlarında çox sayda müxtəlif istifadəçi hesablarının olduğu, müəssisənin hesablarına gündəlik təqribən 1 milyon dollar məbləğində vəsaitin daxil olduğu və əldə edilən qanunsuz gəlirlərin ölkə daxilində leqallaşdırıldığı müəyyənləşdirilib.

Toplanmış sübutlar əsasında həmin rezidensiyada təşkil edilən əməliyyat zamanı axtarış və müsadirə tədbirləri həyata keçirilib. Reyd nəticəsində üçü Azərbaycan, biri Qırğızıstan, biri Özbəkistan, biri Cənubi Koreya və biri Yaponiya vətəndaşı olmaqla ümumilikdə 56 şübhəli şəxs nəzarətə götürülüb.

Hazırda istintaqın xüsusilə külli miqdarda dələduzluq, Kapital Bazarı Qanununun pozulması, cinayət törətmək məqsədilə mütəşəkkil dəstə yaratmaq və cinayət yolu ilə əldə edilmiş əmlakın leqallaşdırılması maddələri üzrə hərtərəfli şəkildə davam etdirildiyi bildirilir.

Oxşar xəbərlər

Bakıda TDT Xəritəçəkmə Qurumları Rəhbərlərinin ikinci iclası keçirilib, bəyannamə qəbul edilib

Yeni Klinikada Yeni Robotik Reabilitasiya və Sümük İliyi Transplantasiyası mərkəzlərinin açılışı olub

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3