Yaş artdıqca orqanizmdə baş verən dəyişikliklər müxtəlif əlamətlərlə özünü göstərir. Mütəxəssislərin sözlərinə görə, yeriş sürətinin azalması da yaşlanmanın əsas göstəricilərindən biridir.

BAKU.WS xəbər verir ki, bu barədə Rusiyanın Səhiyyə Nazirliyinin yaşlı insanların sağlamlığı üzrə baş mütəxəssisi Olqa Tkaçeva "RİA Novosti" agentliyinə açıqlamasında bildirib.

Onun sözlərinə görə, orqanların funksiyalarının zəifləməsi, yeriş sürətinin azalması, koqnitiv pozuntular, eləcə də hiss orqanlarının fəaliyyətində baş verən dəyişikliklər yaşlanmanın əsas əlamətləri hesab olunur.

Mütəxəssis əlavə edib ki, görmə və eşitmə qabiliyyətinin zəifləməsi də yaşlanmanın ən aydın əlamətlərindəndir.

Olqa Tkaçeva bildirib ki, Rusiyada yaşlanmanın ilk nəzərəçarpan klinik əlamətləri adətən 60 yaşdan sonra müşahidə edilir. Bununla yanaşı, risk faktorları olan bəzi insanlarda yaşla bağlı xəstəliklər daha erkən yaşlarda da ortaya çıxa bilər.

Onun sözlərinə görə, 75–80 yaş arasında isə bir çox insanda eyni vaxtda iki və ya daha çox xroniki xəstəliyin olması ilə xarakterizə olunan polimorbidlik inkişaf edə bilər.

Oxşar xəbərlər

"Eşitməyən qalmasın!" - Avaz Eşitmə və Nitq Mərkəzi bu məqsədlə xidmətinizdədir

Azərbaycanda klinik protokol çatışmazlığı: Həkimlər və xəstələr üçün RİSKLƏR

Həyatda yaxşı şeyləri niyə görmürük? - Tanınmış simaların FİKİRLƏRİ

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Yazıçı-publisist Aydın Tağıyevin kitabının təqdimatı olub