ABŞ Prezidenti Donald Tramp Pentaqon rəhbəri Pit Heqsetin ölkənin silah-sursat ehtiyatlarının vəziyyəti ilə bağlı onu yanlış məlumatlandırdığını hesab edir.

"Report" xəbər verir ki, bu barədə The Washington Post məlumat yayıb.

Belə ki, iyulun 31-də Kemp-Deviddə keçirilən Nazirlər Kabinetinin iclası zamanı Tramp Heqsetdən ABŞ-ın İranla bağlı hərbi imkanlarını məhdudlaşdırdığı iddia edilən kritik sursat çatışmazlığı barədə izahat tələb edib.

Qəzet yazıb ki, uzaqmənzilli raketlərin və hava hücumundan müdafiə sistemləri üçün tutucu raketlərin çatışmazlığı ABŞ liderinin İrana qarşı yeni genişmiqyaslı zərbələrdən imtina etməsinin səbəblərindən biri olub.

ABŞ-nin hərbi əməliyyatının ilk həftələrində 850-dən çox Tomahawk qanadlı raketi, mindən çox THAAD və Patriot sistemləri üçün tutucu raket istifadə edilib. Həmçinin ATACMS raketlərinin ehtiyatlarının demək olar ki, tükəndiyi iddia olunur. Bununla yanaşı, Ağ Ev və Pentaqon qəzetin məlumatını təkzib edərək, yazıda göstərilən faktların həqiqətə uyğun olmadığını bildiriblər.

Oxşar xəbərlər

“Dövlət informasiya ehtiyatlarının və sistemlərinin Nümunəvi Əsasnaməsi” təsdiq edilib

Hava Hücumundan Müdafiə bölmələri üçün 20-yə yaxın yeni hərbi obyekt istifadəyə verilib

ABŞ-nin "Tomahawk" raketi Tehranın mərkəzinə düşdü - Partlayış olmadı

FHN təlim etmək istədi - Yanlış park edilən maşınlara görə yanğın avtomobilləri hərəkət edə bilmədi

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN