Türkiyənin Milli Təhlükəsizlik Şurasının (MTŞ) iclasında Rusiya-Ukrayna müharibəsi müzakirə olunub və bildirilib ki, Qara dəniz ilə Xəzər dənizi münaqişə zonasına çevrilməli deyil.

"Report" xəbər verir ki, iclasda həmçinin PKK/KCK-PYD/YPG, FETÖ və İŞİD başda olmaqla, terror təşkilatlarından qaynaqlanan təhdidlərə qarşı ölkə daxilində və xaricində həyata keçirilən tədbirlər, həmçinin son beynəlxalq hadisələr barədə Şura üzvlərinə məlumat təqdim edilib.

MTŞ 15 iyul çevriliş cəhdinin 10-cu ildönümü ilə əlaqədar FETÖ ilə mübarizədə mövcud vəziyyəti də qiymətləndirib. Qeyd olunub ki, təşkilatın tamamilə zərərsizləşdirilməsi məqsədilə tədbirlər davam etdiriləcək.

İran və ABŞ arasında yenidən yaranan qarşıdurmanın region ölkələri və qlobal ticarət marşrutları üçün yaratdığı risklərə diqqət çəkilib. Bütün tərəflər güc tətbiqindən çəkinməyə və davamlı sülhün təmin olunması üçün danışıqlara qayıtmağa çağırılıb.

Qəzza ilə bağlı isə bildirilib ki, əldə olunan müəyyən irəliləyişlərə baxmayaraq, atəşkəsin pozulması, Fələstin ərazilərində məskunlaşma fəaliyyətlərinin artması və müqəddəs məkanlara qarşı təxribatların fonunda beynəlxalq ictimaiyyət İsrailə qarşı daha qətiyyətli mövqe nümayiş etdirməlidir.

MGK Bildirisi: “Terörsüz Türkiye ve Terörsüz Bölge hedeflerine ulaşma yolunda kaydedilen ilerlemeler ele alınmış; ülkemizin ve bölgemizin güvenlik, istikrar ve refahının teminat altına alınması istikametinde tarihî bir merhaleyi teşkil eden çalışmaların müteakip aşamalarına… pic.twitter.com/rgzfnK6Add

— T.C. Cumhurbaşkanlığı (@tcbestepe) August 6, 2026

20:33

Türkiyənin Milli Təhlükəsizlik Şurasının (MTŞ) növbəti iclası baş tutub.

"Report" xəbər verir ki, bu barədə "TRT Haber" məlumat yayıb.

Bildirilib ki, Prezident Rəcəb Tayyib Ərdoğanın sədrliyi ilə keçirilən iclas 2 saat 15 dəqiqə davam edib.

18:48

Türkiyənin Milli Təhlükəsizlik Şurasının (MTŞ) növbəti iclası Prezident Rəcəb Tayyib Ərdoğanın sədrliyi ilə keçirilir.

"Report" xəbər verir ki, bu barədə "TRT Haber" məlumat yayıb.

Məlumata görə, iclas Prezident Administrasiyasının iqamətgahında keçirilir.

İclasda parlamentə təqdim olunan "Terrorsuz Türkiyə" qanun layihəsi, terror təşkilatının silahı yerə qoyması prosesi və bununla bağlı kəşfiyyat məlumatları müzakirə olunur.

Bununla yanaşı, terrorla mübarizə tədbirləri, regional və beynəlxalq təhlükəsizlik məsələləri də gündəmdədir.

Həmçinin müzakirələrdə ABŞ ilə İran arasında davam edən gərginliklə bağlı diplomatik təşəbbüslərin, Qara dənizdə gəmiçilik təhlükəsizliyinin qiymətləndirilməsi gözlənilir.

İclasda Kiprdəki son vəziyyət, Suriya və İraqdakı hadisələr, eləcə də İsrailin bölgədə həyata keçirdiyi hərbi əməliyyatların da müzakirə olunacağı bildirilir.

Oxşar xəbərlər

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

İlham Əliyev Vaşinqtonda Sülh Şurasının ilk iclasında iştirak edib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2