Azərbaycan və Keniya arasında münasibətlərin inkişaf dinamikası və parlamentlərarası əməkdaşlığın inkişaf etdirilməsinin vacibliyi müzakirə olunub.

"Far.Az" xəbər verir ki, bu barədə Azərbaycanın Keniyadakı səfiri Sultan Hacıyev və Keniya Milli Assambleyasının sədri Moses Vetangula ilə görüşdə söhbət aparılıb.

Səfir Sultan Hacıyev bu il Keniya Senatında Azərbaycanla parlamentlərarası dostluq qrupunun, eyni zamanda, Azərbaycanın Milli Məclisində Keniya ilə parlamentlərarası əlaqələr üzrə işçi qrupunun təsis olunduğunu xatırladıb. O, Keniya Milli Assambleyasında da yaxın zamanda Azərbaycan parlamenti ilə işçi qrupun fəaliyyətə başlayacağına ümid etdiyini bildirib.

Səfir, həmçinin iki ölkənin parlamentlərinin beynəlxalq müstəvidə mövcud fəal əməkdaşlığının cari ildə Tanzaniyanın Aruşa şəhərində keçiriləcək Parlamentlərarası İttifaqın 153-cü Assambleyası çərçivəsində davam etdirilməsinin vacibliyini vurğulayıb.

Milli Assambleyanın sədri Moses Vetangula iki ölkənin qanunverici orqanları arasında əməkdaşlığın daha da inkişafı üçün əlverişli şəraitin olduğunu və bununla əlaqədar prosesləri dəstəklədiyini qeyd edib. O, Keniya Prezidenti Uilyam Samoei Rutonun BMT-nin Ümumdünya Şəhərsalma Forumunun 13-cü sessiyasında iştirak etmək üçün Bakıya səfərinin əhəmiyyətini vurğulayıb.

Sədr Azərbaycanın təşəbbüsü ilə təsis edilən Qoşulmama Hərəkatının Parlament Şəbəkəsinin fəaliyyətini, həmçinin bir çox digər beynəlxalq təşkilatlarda Milli Məclisin təşəbbüs və töhfələrini yüksək qiymətləndirib.

Oxşar xəbərlər

Milli Məclisin parlamentlərarası əlaqələr üzrə işçi qruplarına rəhbərlər seçilib - SİYAHI

Leyla Əliyeva Qubada iftar məclisində iştirak edib

ABŞ Prezidenti Donald Trampın təşəbbüsü ilə yaradılan Sülh Şurası təsis edilib

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Mehriban Əliyeva BMT Baş Assambleyası çərçivəsində xüsusi sessiyada iştirak edib