Türkiyənin İstanbul şəhərinin Kağıthane rayonunda 57 yaşlı Azərbaycan vətəndaşı Lətifə İbadova yaşadığı mənzildə ölü vəziyyətdə aşkarlanıb.

BAKU.WS xəbər verir ki, hadisə avqustun 9-da günorta saatlarında baş verib. Bu barədə "Hürriyet" məlumat yayıb.

Məlumata görə, qadının meyitinə baxış zamanı onun bədənində hər hansı zorakılıq, zərbə və ya kəsici alət izləri müəyyən edilməyib. İbadovanın ölüm səbəbi məhkəmə-tibbi ekspertizanın nəticəsindən sonra dəqiqləşdiriləcək.

Hadisə ilə bağlı araşdırma zamanı qadınla eyni mənzildə yaşayan Fərhad adlı şəxsin axtarışına başlanılıb. Bildirilir ki, həmin şəxs polisə məlumat verilməsindən təxminən 15 dəqiqə əvvəl evdən çıxıb.

Mənzildə narkotik vasitə olduğu ehtimal edilən maddə də aşkarlanıb. Maddə ekspertizaya göndərilib.

Prokurorluq Azərbaycan vətəndaşının ölümü ilə bağlı araşdırma aparır.

Oxşar xəbərlər

Prezident İlham Əliyev Əfv Sərəncamı imzalayıb

Beş tondan artıq narkotik vasitə məhv edilib

MAXE-dən dəhşətli hərəkət: dörd qadını yatağa saldı, pullarını aldı, onları videoya çəkdi – TƏFƏRRÜAT

Dörd qadını yatağa saldı, pullarını aldı, onları videoya çəkdi

İstanbulda soydaşlarımız üçün Ramazan ayı münasibətilə iftar mərasimi təşkil edilib