Avqustun 12-nə keçən gecə Ukrayna Müdafiə Qüvvələri Rusiyanın Krasnodar vilayətinin Novorossiysk şəhərində yerləşən hərbi-dəniz bazasına zərbə endirib.

"Report" xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Ukrayna tərəfinin məlumatına əsasən, zərbələr nəticəsində Rusiyanın dörd hərbi gəmisi zədələnib. Bunların 11356 layihəli "Admiral Makarov" və "Admiral Essen" freqatları, 21631 layihəli "Buyan-M" kiçik raket gəmisi və 22160 layihəli "Vasili Bıkov" patrul gəmisi olduğu bildirilir.

Ukrayna Təhlükəsizlik Xidməti (SBU) qeyd edib ki, "Admiral Makarov" və "Admiral Essen" "Kalibr" qanadlı raketlərinin daşıyıcılarıdır.

Hücum zamanı Krasnodar vilayətində liman və neft infrastrukturlarının bir sıra obyektləri də vurulub. Zərbələrin S-300 zenit-raket kompleksinin tərkibindəki 30N6E radiolokasiya stansiyasına, Novorossiysk limanının 2-ci körpüsündəki mobil atəş qrupuna, "Qruşovaya" neft bazasının "Şeşharis" terminalının tunel portalına, eləcə də 3, 6 və 7 saylı körpülərin infrastrukturuna endirildiyi bildirilib.

SBU əməliyyatda Ukrayna pilotsuz uçuş aparatları, "Palyanitsa" reaktiv dronları, "Neptun" raketləri və dəniz platformalarından istifadə edilən zərbə sistemlərinin tətbiq olunduğunu açıqlayıb. Ukrayna tərəfi Novorossiysk hərbi-dəniz bazasını Rusiyanın Qara Dəniz Donanmasının əsas obyektlərindən və başlıca dayaq məntəqələrindən biri hesab edir.

Rusiya tərəfi isə hələlik Ukraynanın bu zərbələr nəticəsində dörd hərbi gəminin zədələndiyi barədə məlumatını təsdiqləməyib.

Oxşar xəbərlər

İlham Əliyev Ağdamda 2-ci yaşayış kompleksinin açılışında iştirak edib

Prezident Ərəb Koordinasiya Qrupuna üzv qurumların rəhbər şəxslərini qəbul edib

Lökbatanda anbardakı yanğınla bağlı əməliyyat qərargahı yaradıldı - YENİLƏNİB-4

Prezident İlham Əliyev Yevlax Olimpiya İdman Kompleksinin açılışında iştirak edib

Prezident Gəncə Memorial Kompleksinin açılışında iştirak edib