Sabunçu rayonunun Maştağa qəsəbəsində, Ramana Gülçülük sovxozu kimi tanınan ərazidə kanalın baxımsız vəziyyətdə olması sakinlərin narazılığına səbəb olub.

Baku TV-nin qaynar xəttinə daxil olan müraciətdə kanalın uzun müddətdir təmizlənmədiyi, məişət tullantıları və müxtəlif çirkablarla çirkləndirildiyi bildirilib.

Ərazidə su kanalına zibil atılmasının və çirkab sularının axıdılmasının qadağan olunduğunu göstərən məlumat lövhəsi də yerləşdirilib. Buna baxmayaraq, bəzi fərdi yaşayış evlərindən çəkilən borular vasitəsilə çirkab sularının birbaşa kanala axıdıldığı müşahidə olunur. Sakinləri narahat edən digər məsələ isə sahibsiz itlərdir.

Onların sözlərinə görə, ərazidə çoxsaylı sahibsiz itlərin olması insanlar, xüsusilə də uşaqlar üçün ciddi təhlükə yaradır.

Oxşar xəbərlər

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

Prezident İlham Əliyev Bakıda məişət tullantıları daşıyan texnikalarla tanış olub

Həyatda yaxşı şeyləri niyə görmürük? - Tanınmış simaların FİKİRLƏRİ

Turistlərin axın etdiyi Alban məbədi baxımsız vəziyyətdədir

İlham Əliyev Xocavənd şəhər və Xocavənd kənd sakinləri ilə görüşüb