ABŞ Məxfi Xidməti İran mediası tərəfindən yayılan və ABŞ Prezidenti Donald Trampın kiçik oğlu Berrona qarşı təhdidlərin yer aldığı videosüjeti araşdırdığını bəyan edib.

"Report" xəbər verir ki, bu barədə jurnalistlərə Məxfi Xidmətin nümayəndəsi Neyt Herrinq bildirib.

"ABŞ Məxfi Xidməti bu videodan xəbərdardır və bizim mühafizəmiz altında olan şəxslərə qarşı təhdid kimi qiymətləndirilə biləcək hər şeyi araşdırır", - o bildirib.

Herrinq əlavə edib ki, əməliyyat təhlükəsizliyi mülahizələrinə görə qurum kəşfiyyat məlumatları və mühafizənin təmin edilməsi ilə bağlı məsələləri müzakirə etmir.

"The Washington Post" və "Politico" da daxil olmaqla, ABŞ mediasının məlumatına görə, İranda Berron Trampın öldürülməsi təhdidlərinin yer aldığı videosüjet nümayiş etdirilib. Bildirilib ki, videonun sonunda 10 milyon dollar məbləğində mümkün mükafat xatırladılıb.

ABŞ Məxfi Xidməti dövlətin birinci şəxslərinin və onların ailə üzvlərinin mühafizəsinə cavabdehdir.

Oxşar xəbərlər

Şəhid olmuş bir qrup hərbi qulluqçu və mülki işçi ölümündən sonra təltif olunub

Bakıda keçirilən WUF13 dünya mediasının diqqət mərkəzindədir

İlham Əliyevin İranın Azərbaycana dron hücumuna dair mövqeyi dünya mediasının diqqət mərkəzindədir

Qış turizm mövsümü öncəsi daxili turizm imkanları nümayiş etdirilib

ABŞ Prezidenti Donald Trampın təşəbbüsü ilə yaradılan Sülh Şurası təsis edilib