Ermənistan bir sıra ölkələrlə, o cümlədən Azərbaycanla elektrik enerjisinin idxalı imkanlarını müzakirə edir.

"Report" xəbər verir ki, bu barədə Ermənistanın Baş naziri Nikol Paşinyan bu gün keçirilən brifinqdə bildirib.

Onun sözlərinə görə, Ermənistan Azərbaycandan elektrik enerjisi idxal etmək imkanlarını araşdırır.

"Elektrik enerjisinin müxtəlif təchizat rejimləri mövcuddur. Bəzən ölkələrdə enerji artıqlığı, bəzən isə enerjiyə tələbat yaranır. Ermənistanın süni intellekt sahəsinə qoyduğu investisiyaları nəzərə alaraq, anlamalıyıq ki, əgər zərurət yaranarsa, hər hansı bir yerdən, o cümlədən Azərbaycandan elektrik enerjisi idxal etmək imkanı varmı?", - Paşinyan Ermənistan və Azərbaycan nümayəndələrinin Laçında elektrik enerjisinin ixracı və idxalı məsələlərinə həsr olunmuş görüşünü şərh edərkən bildirib.

O, həmçinin vurğulayıb ki, Ermənistan bu məsələləri Gürcüstan, Türkiyə və İranla müzakirə edir.

Oxşar xəbərlər

Vətən müharibəsində Qələbənin beşinci ildönümünə həsr olunmuş Hərbi parad keçirilib

Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub

Prezident İlham Əliyevin sədrliyi ilə kənd təsərrüfatı məsələlərinə həsr olunmuş müşavirə keçirilib

Leyla Əliyeva və Alyona Əliyeva Müstəqillik Gününə həsr olunmuş konserti izləyiblər

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib