ABŞ Dövlət Departamenti əvvəllər korrupsiyaya qarşı mübarizəyə və gender bərabərliyinin təşviqinə görə Amerika mükafatına layiq görülən İraqın sabiq maliyyə naziri Taif Sami Məhəmməd əl-Şakərçinin vizasını ləğv edib.

"Far.Az" xəbər verir ki, bu barədə ABŞ dövlət katibinin qlobal ictimaiyyətlə əlaqələr üzrə köməkçisi Dilan Conson bildirib.

Onun sözlərinə görə, əl-Şakərçi hər il ABŞ tərəfindən bütün dünyadan olan qadınlara müstəsna cəsarət, güc və liderlik keyfiyyətlərinə görə verilən mükafatı alıb. Mükafatı ona ABŞ-nin sabiq dövlət katibi Entoni Blinken və eks-prezident Co Baydenin həyat yoldaşı Cill Bayden təqdim ediblər.

"Dövlət Departamenti korrupsiyaya qarşı mübarizədə və "gender bərabərliyinin" təşviqindəki ehtimal olunan roluna görə Bayden administrasiyası tərəfindən mükafatlandırılmış İraq vətəndaşının vizasını ləğv edib", - Consonun bəyanatında bildirilir.

Dövlət Departamentinin nümayəndəsi həmçinin bildirib ki, daha əvvəl ABŞ-nin Federal Təhqiqatlar Bürosu (FTB) əl-Şakərçini terrorizmə yardım etməkdə şübhəli bilinən şəxslər siyahısına daxil edib.

Hazırda sabiq nazir ABŞ-dən kənardadır.

Oxşar xəbərlər

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

Prezident İlham Əliyev Şuşanın Böyük Qaladərəsi kəndində görülən işlərlə tanış olub, sakinlərlə görüşüb

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Prezident İlham Əliyev IV Şuşa Qlobal Media Forumunun açılışında iştirak edib