Misli Premyer Liqasının III turu tamaşaçı rekordu ilə əlamətdar olub.

"Far.Az" Peşəkar Futbol Liqasına istinadən xəbər verir ki, "Kəpəz" – "Turan Tovuz" qarşılaşmasını (1:0) 13 500 azarkeş izləyib.

Bu, həm cari mövsümün rekordu, həm də son 10 turnir üçün ikinci göstəricidir.

Son 10 ildə Premyer Liqada yalnız bir oyunda daha çox tamaşaçı qeydə alınıb. Ötən mövsümün "Qarabağ" – "Sabah" matçını 17 338 tamaşaçı izləyib. Həmin oyun Tofiq Bəhramov adına Respublika stadionunda baş tutub.

Təxminən 3 ildən sonra Premyer Liqa matçına ev sahibliyi edən Gəncə şəhər stadionu üçün turnirdə son 10 mövsümün rekordu qeydə alınıb. Bu arenada daha çox izləyici sonuncu dəfə 2016/2017 mövsümündə olub. Bu, 2016-cı il sentyabrın 25-də "Qarabağ"la qarşılaşmaya təsadüf edib – 14 238 tamaşaçı.

Oxşar xəbərlər

Braziliya - Norveç matçını dünya ulduzları tribunadan izləyib

Böyük Britaniya kralı III Çarlz Qarabağ atlarının şousunu izləyib

Prezident İlham Əliyev Əfv Sərəncamı imzalayıb

"Misli"nin dəstəyilə Peşəkar İntellekt Liqasının 2025-ci il mövsümü başa çatıb

UEFA Avropa Liqası: "Qarabağ" "Ayaks"a məğlub olub - VİDEO - YENİLƏNİB-8