Azərbaycan Asiya-Sakit okean regionu ölkələri ilə turizm əlaqələrini genişləndirir.

"Far.Az" xəbər verir ki, bunu Dövlət Turizm Agentliyinin sədri Fuad Nağıyev Bakıda keçirilən "PATA Hosted Buyers Summit Baku 2026"da deyib.

Agentlik sədrinin sözlərinə görə, bu il Azərbaycanın turizm imkanları Çində bir sıra beynəlxalq sərgilərdə nümayiş olunub: "Regional tərəfdaşlarla əməkdaşlığımız bu il də bir sıra irimiqyaslı beynəlxalq sərgilərdə - o cümlədən Çində "ITB China", İndoneziyada "Indonesia Travel Expo" və Kuala-Lumpurda "WITEX" sərgilərində, eləcə də Çin, İndoneziya, Malayziya, Sinqapur, Cənubi Koreya və Yaponiya üzrə təşkil olunmuş "roadshow"da iştirakımızla davam edir. Pekin şəhərində nümayəndəliyimizin fəaliyyətə başlaması Azərbaycanı bu bazarlara daha da yaxınlaşdırmaq və tərəfdaşlarımızla uzunmüddətli əlaqələr qurmaq yolunda atılmış növbəti mühüm addımdır".

O əlavə edib ki, tədbirdə Çin, Malayziya, İndoneziya, Sinqapur, Yaponiya və Koreyadan olan 50-dən çox turizm sənayesi nümayəndəsinin Bakıda bir araya gəlib: "Bu sammit Azərbaycanın turizm potensialının nümayiş etdirilməsi, eləcə də beynəlxalq alıcılar və yerli turizm sənayesi nümayəndələri arasında birbaşa biznes əlaqələrinin qurulması üçün dəyərli platformadır".

Oxşar xəbərlər

Leyla və Arzu Əliyevalar "Urban Expo" sərgisi ilə tanış olublar

Palçıq Vulkanları Turizm Kompleksi – Azərbaycanın təbiət möcüzələrinə açılan yeni qapı

Qış turizm mövsümü öncəsi daxili turizm imkanları nümayiş etdirilib

Bakıda WUF13-ün açılış mərasimi keçirilir, Prezident İlham Əliyev tədbirdə çıxış edib

Şəkinin turizm xəzinəsi: Tarixi abidələrdən sənətkarlığa qədər