Ukrayna Prezidenti Volodimir Zelenski ABŞ prezidentinin xüsusi nümayəndələri Stiv Uitkoff və Cared Kuşnerlə onların Kiyevə qarşıdakı səfərinin detallarını müzakirə edib.

"Report" xəbər verir ki, Zelenski bu barədə sosial şəbəkələrdə bildirib.

"ABŞ Prezidenti Donald Trampın nümayəndələri Stiv Uitkoff və Cared Kuşnerlə yaxşı telefon danışığı oldu. Söhbət ətraflı və konstruktiv idi. ABŞ və Ukrayna danışıqlar heyətləri arasında dialoq daim davam edir və hazırda biz Ukrainaya səfərin tarixini müzakirə edirik. Bu səfər sülhə gedən yolda qərarların hazırlanması üçün çox faydalı olardı", - o yazıb.

Zelenski həmçinin həmsöhbətlərini döyüş meydanındakı vəziyyət barədə məlumatlandırıb, Rusiyanın cüzi uğurlarını qeyd edərək, onların böyük itkilər hesabına əldə edildiyini vurğulayıb.

O əlavə edib ki, danışıqlar heyətləri gündəliyin razılaşdırılması və sonrakı əlaqələrin qrafikinin müəyyən edilməsi üçün əlaqə saxlamağa davam edəcəklər.

Oxşar xəbərlər

Kiyevə raket hücumu zamanı Azərbaycanın Ukraynadakı səfirliyinə ciddi ziyan dəyib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

ABŞ vitse-prezidentinin Azərbaycana səfəri dünya mediasının diqqətindədir

Leyla Əliyeva və Alyona Əliyeva mükafatlandırma mərasimində iştirak ediblər

Azərbaycanın pilotları çətin döyüş manevrləri üzrə tapşırıqlar yerinə yetiriblər