Təzə bişmiş, hələ isti olan çörəyin qoxusu və yumşaq teksturası bir çox insan üçün cəlbedici olsa da, mütəxəssislər belə çörəyin hər kəs üçün uyğun olmadığını bildirirlər.

Far.Az-in məlumatına görə, xüsusilə tam soyumamış və kifayət qədər bişməmiş mayalı xəmir mədə-bağırsaq sistemində narahatlıq yarada, köp və həzm problemlərinə səbəb ola bilər. İsti qida isə həssas mədə selikli qişasını qıcıqlandıra bilər.

Həkimlər bu baxımdan qastrit, mədə xorası, reflüks və qıcıqlanmış bağırsaq sindromu olan şəxslərə isti çörəkdən ehtiyatlı istifadə etməyi tövsiyə edir. Uşaqlar, yaşlılar və artıq çəkisi olan insanlar da bu məhsulu həddindən artıq qəbul etməməlidirlər.

Sağlam insanlar üçün isə az miqdarda isti çörək yemək ciddi risk yaratmır. Bununla belə, mütəxəssislər həddindən artıq yeməməyi və isti çörəyi soyuq içkilərlə birlikdə qəbul etməməyi məsləhət görürlər.

Çörəyin tam soyumasını gözləmək onun həzm baxımından daha rahat qəbul edilməsinə kömək edə bilər.

Oxşar xəbərlər

Həyatda yaxşı şeyləri niyə görmürük? - Tanınmış simaların FİKİRLƏRİ

Hər kəs üçün təhsil: İnklüzivliyə dair ilk üçdilli kitab təqdim olundu

Qırmızı ətdən və çörəkdən imtina edən məşhurlar - SİYAHI

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN