Türkiyə ikinci ikiillik şəffaflıq hesabatının (BTR) hazırlanmasını başa çatdırmaq üzrədir və onu COP31-in başlanmasına qədər təqdim etmək niyyətindədir.

"Report" xəbər verir ki, bu barədə COP31-in baş direktoru, Türkiyənin ətraf mühit, şəhərsalma və iqlim dəyişikliyi nazirinin müavini Fatma Varank Bakı İqlim Fəaliyyəti Həftəsi (BCAW 2026) çərçivəsində keçirilən panel müzakirədə bildirib.

O vurğulayıb ki, birinci BTR üzərində iş Türkiyə tərəfi üçün əhəmiyyətli təcrübə olub, yol verilmiş səhvləri və boşluqları aşkar etməyə, həmçinin yoxlanılmış məlumatlara əsaslanan sistem formalaşdırmağa kömək edib.

"Birinci BTR-i təqdim etdikdən sonra öz səhvlərimizi və müəyyən boşluqları aşkar etdik. Məhz buna görə də biz nəticələri izləməyə və təhlil etməyə imkan verən bir sistem qurduq ki, sonradan qərar qəbul edən şəxslər, siyasətçilər və liderlər bu məlumatlar əsasında verilən qərarların nəticələrini qiymətləndirə bilsinlər", - Varank bildirib.

O qeyd edib ki, Türkiyə ikinci BTR-i də bu sistem əsasında, müxtəlif nazirliklərin və dövlət qurumlarının məlumatlarını birləşdirərək hazırlayır.

Varank vurğulayıb ki, Türkiyə 2053-cü ilə qədər xalis sıfır emissiya səviyyəsinə çatmağı hədəfləyib.

"Bu məqsədə çatmaq üçün bizə bütün nazirliklərin məlumatlarını düzgün təhlil etməyə imkan verəcək sistem üzərində işləməliyik", - o bildirib.

Onun sözlərinə görə, Türkiyə BTR-in hazırlanmasında köməyə ehtiyacı olan ölkələrə texniki dəstək də göstərir.

"Biz istəyirik ki, COP31-ə qədər bütün ölkələr öz hesabatlarını təqdim etsinlər", - o əlavə edib.

Oxşar xəbərlər

Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2