"Sabah" UEFA Çempionlar Liqasının əsas mərhələsində "Mançester Yunayted"lə səfər görüşünün ilk hissəsində rəqibin təzyiqinə dözə bilsə, müsbət nəticəyə ümid edə bilər.

Bunu "Far.Az"a açıqlamasında "Qəbələ" və "Araz-Naxçıvan" klublarının sabiq baş məşqçisi Elmar Baxşıyev deyib.

"Mançester Yunayted" matçın favoritidir. İngiltərə klubları ilə səfər oyunları bütün komandalar üçün çox çətin keçir. Heyət baxımından da Mançester təmsilçisi üstündür. "Sabah" ilk hissədəki təzyiqə dözə bilsə, müsbət nəticəyə ümid edə bilər", - o bildirib.

Mütəxəssis tərəflərin şanslarını da dəyərləndirib:

"Son illərdə Çempionlar Liqasında daim iştirak etmədiyindən, rəqibin də müəyyən çətinliklərinin olmaq ehtimalı yüksəkdir. "Sabah" ilk dəfə bu cür turnirlərdə mübarizə apardığından, hər bir detal komandaya həm mənfi, həm də müsbət təsir göstərə bilər".

Qeyd edək ki, "Mançester Yunayted" - "Sabah" görüşü sentyabrın 10-da, Bakı vaxtı ilə saat 23:00-da "Old Trafford"da start götürəcək.

Oxşar xəbərlər

Horadiz-Ağbənd dəmir yolu ilə Araz İqtisadi Zonası Sənaye Parkına yüklərin daşınmasına başlandı

FHN Qəbələ aeroportunda təlim keçirib

Elmar Baxşıyev "Araz-Naxçıvan"dan ayrıldığını təsdiqləyib

İlham Əliyevin Ciorcia Meloni ilə geniş tərkibdə görüşü olub

"Araz-Naxçıvan"ın icraçı direktoru: "Elmar Baxşıyevlə ilk görüşdə razılıq əldə olunmuşdu" - MÜSAHİBƏ