Bu il avqustun 1-nə Azərbaycanda muzdla çalışan işçilərin sayı 1 milyon 781,1 min nəfər təşkil edib.

BAKU.WS Dövlət Statistika Komitəsinə istinadən xəbər verir ki, bu göstərici ötən ilin eyni dövrü ilə müqayisədə 0,7 faiz çoxdur.

Muzdla çalışanların 836,9 min nəfəri dövlət sektorunda, 944,2 min nəfəri isə özəl sektorda fəaliyyət göstərib. Dövlət sektorunda çalışanların sayı 2,5 faiz azaldığı halda, qeyri-dövlət sektorunda 3,7 faiz artım qeydə alınıb.

İşçilərin ən böyük hissəsi ticarət və nəqliyyat vasitələrinin təmiri sahəsində çalışır. Bu sahənin payı 18,9 faizdir. Sonrakı yerlərdə təhsil (17,5 faiz), sənaye (13,9 faiz), səhiyyə və sosial xidmətlər (8,6 faiz), tikinti (6,8 faiz), dövlət idarəetməsi və müdafiə (6,1 faiz) qərarlaşıb.

Digər sahələr üzrə bölgüdə nəqliyyat və anbar təsərrüfatının payı 4,4 faiz, peşə, elmi və texniki fəaliyyətin 3,9 faiz, maliyyə və sığorta fəaliyyətinin 2,5 faiz, kənd təsərrüfatı, meşə təsərrüfatı və balıqçılığın isə 2,3 faiz olduğu bildirilib.

Oxşar xəbərlər

İlham Əliyev Lənkəran Dövlət Peşə Təhsil Mərkəzinin açılışında iştirak edib

Prezident İlham Əliyevin sədrliyi ilə kənd təsərrüfatı məsələlərinə həsr olunmuş müşavirə keçirilib

İlham Əliyev Şuşanın Qarabağ küçəsində dövlət-özəl tərəfdaşlığı çərçivəsində həyata keçirilmiş işlərlə tanış olub

Alla Puqaçova ilə 11 il yaşadığı evi 240 milyona satır

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN