Bakının Sabunçu Tibb Mərkəzində doğuşdan sonra ananın qolları olmayan və çoxsaylı inkişaf qüsurları ilə dünyaya gələn körpəsindən imtina etməsi ilə bağlı hadisə qeydə alınıb.

Tibb mərkəzinin məlumatına görə, 1985-ci il təvəllüdlü qadın iyunun 27-də hamiləliyin 36-cı həftəsində xəstəxanaya yerləşdirilib. Doğuşdan sonra oğlan uşağında çoxsaylı inkişaf qüsurları aşkarlanıb. Ana iyunun 30-da yazılı iltizamnamə ilə övladından imtina edərək tibb müəssisəsini tərk edib.

Körpə sentyabrın 10-da Sosial Xidmətlər Agentliyinin nümayəndələrinə təhvil verilib. Hazırda uşağın vəziyyəti kafidir və sosial xidmət əməkdaşlarının nəzarətindədir.

"Vətəndaş övladını qeyri-rəsmi nikahdan dünyaya gətirdiyini deyərək, özünün, eləcə də övladının sağlamlığında olan problemlər səbəbindən ona daimi qayğı göstərməkdən imtina edib", - deyə Sosial Xidmətlər Agentliyinin əməkdaşı Qara Rəhimov bildirib.

Baku TV-nin hadisə ilə bağlı paytaxt sakinləri arasında keçirdiyi sorğu zamanı müxtəlif fikirlər səsləndirilib.

"Bunu ancaq analıq hissi ölmüş qadın edər", - deyə sakinlərdən biri söyləyib.

Digər vətəndaş isə qeyd edib:

"Övladını atırsa, o nə insandır, nə də ana. O qədər valideynlər var ki, əli-ayağı olmayan uşaqlarına çox yaxşı baxırlar".

Oxşar xəbərlər

İlham Əliyev Lənkəran Dövlət Peşə Təhsil Mərkəzinin açılışında iştirak edib

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Prezident İlham Əliyev Milli Aviasiya Akademiyasında Beynəlxalq Təlim Mərkəzinin açılışında iştirak edib

Prezident İlham Əliyev Əfv Sərəncamı imzalayıb

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3