Yaşıl və iqlim gündəliyi qlobal gərginlik, münaqişələr və fraqmentasiya fonunda birləşdirici amil ola bilər, lakin ümumi problemlərin həlli üçün regional əməkdaşlıq getdikcə daha böyük əhəmiyyət kəsb edəcək.

"Report" xəbər verir ki, bunu iqlim üzrə yüksək səviyyəli çempion, Milli Məclisin deputatı Nigar Arpadarai Bakı İqlim Fəaliyyəti Həftəsində (BCAW 2026) bildirib.

"Ümumilikdə dünyadakı vəziyyətdən danışsaq, aydındır ki, biz etimadsızlıq, münaqişələr və ciddi parçalanma dünyasında yaşayırıq. Amma bu vəziyyətdə yaşıl və iqlim gündəliyi həqiqətən də birləşdirici rola malikdir. Əgər geosiyasi vəziyyəti nəzərə alaraq gələcəyə baxsaq, aydın olur ki, burada regional əməkdaşlıq son dərəcə mühüm əhəmiyyətə malikdir. Düşünürəm ki, onun əhəmiyyəti yalnız artacaq", - o bildirib.

N.Arpadarainin sözlərinə görə, ölkələr yaranan problemləri regional səviyyədə həll etməlidir.

"Bu, son dərəcə vacibdir. Nə baş verirsə versin, istər iqtisadi, istər siyasi, istərsə də hər hansı digər məsələlər olsun, öz problemlərini həll etmək üçün üçüncü tərəfi dəvət etmək olmaz", - o əlavə edib.

Oxşar xəbərlər

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2