Çinin Tsindao limanında təmirdə olan yük gəmisində baş verən yanğın zamanı ölənlərin sayı 25 nəfərə çatıb.

Bu barədə "Report" "Associated Press"ə istinadən xəbər verir.

Daha beş nəfər yaralanıb və xəstəxanaya yerləşdirilib. Onların vəziyyəti sabit olaraq qiymətləndirilir.

Daha əvvəl 20 nəfərin həlak olduğu barədə məlumat verilmişdi.

15:11

Çinin Sindao limanında lövbər salmış yük gəmisində baş verən yanğın nəticəsində azı 20 nəfər ölüb, 5 nəfər isə itkin düşüb.

"Report" xəbər verir ki, bu barədə "Associated Press" Çinin dövlət mediasına istinadən məlumat yayıb.

"Xinhua" agentliyinin yaydığı fotoya əsasən, gəminin Liberiya bayrağı altında üzən "Ocean Melody" olduğu müəyyən edilib.

Göyərtədə 42 nəfər olub, onlardan 12-si təxliyə edilib.

Gəmi Çinin şərq sahillərindəki iri dəniz qovşağı olan Sindao limanında yerləşən "Beihai Shipbuilding Co." tərsanəsində təmirdə olub.

Çin sədri Si Cinpin təcili olaraq xilasetmə əməliyyatının keçirilməsi və itkin düşənlərin axtarışının təşkil edilməsi barədə göstəriş verib.

Oxşar xəbərlər

Son üç saatda İrandan Azərbaycana 50 nəfər təxliyə edilib - YENİLƏNİB-6

Çində yük gəmisində baş verən yanğında azı 20 nəfər ölüb

Braziliya, Polşa, Çin, Nepal, Hindistan, BƏƏ, Fransa və Tunis vətəndaşları Azərbaycana təxliyə olunub

İrandan daha 27 nəfər Azərbaycana təxliyə edilib - YENİLƏNİB-5

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3