Avropa İttifaqına (Aİ) üzv ölkələrin səfirləri məhdudiyyətlərin uzadılması ilə bağlı mövqeləri razılaşdırmaq üçün Rusiyaya qarşı sanksiyaların müddətini daha yeddi gün uzatmağa razılaşıblar.

"Far.Az" "İnterfaks-Ukrayna"ya istinadən xəbər verir ki, bu barədə Aİ Şurasına sədrlik edən İrlandiyanın mətbuat katibi Brüsseldə jurnalistlərə bildirib.

Onun sözlərinə görə, bu gün günün ikinci yarısında Daimi Nümayəndələr Komitəsi (COREPER) sanksiya rejiminin müddətinin uzadılması məsələsini müzakirə etmək üçün yenidən toplaşıb.

"Üzv dövlətlərə sanksiyaların uzadılması ilə bağlı təklifləri hərtərəfli öyrənmək üçün əlavə vaxt vermək məqsədilə COREPER bu rejimin müddətini 7 gün – sentyabrın 22-si, çərşənbə axşamı gecə yarısına qədər uzatmağa razılaşıb. Hazırda bu qərarın qüvvəyə minməsi üçün hüquqi prosedurlar tamamlanır", – mətbuat katibi bildirib.

O qeyd edib ki, məsləhətləşmələr davam edəcək, bundan sonra COREPER-də sonrakı müzakirələr keçiriləcək.

Oxşar xəbərlər

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Layiqli Əmək Səfirləri ilə görüş keçirilib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

İlham Əliyev İrlandiyanın Azərbaycanda yeni təyin olunmuş səfirinin etimadnaməsini qəbul edib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2