ABŞ hərbçiləri ölkənin Hərbi Dəniz Qüvvələrinin pilotsuz suüstü aparatını ələ keçirməyə cəhd edən İranın İslam İnqilabı Keşikçiləri Korpusunun (SEPAH) iki katerini raket zərbəsi ilə məhv ediblər.

"Report" "Axios"a istinadən xəbər verir ki, bu məlumatı ABŞ Silahlı Qüvvələrinin Mərkəzi Komandanlığının (CENTCOM) nümayəndəsi, kapitan Tim Hokins təsdiqləyib.

Onun sözlərinə görə, İranın kiçik gəmiləri bu yaxınlarda ABŞ pilotsuz aparatını zərərsizləşdirməyə cəhd etsələr də, CENTCOM qüvvələrinin qətiyyətli reaksiyasından sonra buna nail ola bilməyiblər. Aparat komandanlığın nəzarəti altında qalır.

Eyni zamanda, İran mediasının iddialarına görə, balıqçı qayıqları vurulub və bir neçə balıqçı itkin düşmüş hesab olunur.

Amerikalı rəsmi həmçinin "Axios"a bildirib ki, hazırda ABŞ Hərbi Dəniz Qüvvələrinin gəmiləri son həftələrdə olduğu kimi yalnız gecə deyil, gündüz vaxtı da Hörmüz boğazından keçən tankerləri müşayiət edirlər.

Oxşar xəbərlər

Bakıda keçirilən WUF13 dünya mediasının diqqət mərkəzindədir

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Silahlı Qüvvələrin bir qrup hərbi qulluqçu təltif edilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3