"Azərbaycanda dini irsin qorunması istiqamətində genişmiqyaslı işlər aparılır. Xüsusi diqqət işğaldan azad edilmiş Qarabağ və Şərqi Zəngəzur ərazilərinə yönəldilir".

BAKU.WS xəbər verir ki, bunu Azərbaycan Memarlıq və İnşaat Universitetinin rektoru, professor, Əməkdar memar Gülçöhrə Məmmədova Mədəniyyət Nazirliyi və Dini Qurumlarla İş üzrə Dövlət Komitəsinin təşkilatçılığı ilə keçirilən "Tarixi-dini abidələrin mühafizəsi: çağırışlar və perspektivlər" konfransında deyib.

Nümunə olaraq Şuşada bərpa edilmiş məscidləri və Ağdam Cümə məscidini göstərib. O qeyd edib ki, bu nümunələr əsasında dini abidələrin bərpası və qorunması istiqamətində işlər davam etdirilməlidir.

"Bizim yüzlərlə dağıdılmış məscidimiz var. Söhbət təkcə dağıdılmış məscidlərin yenidən bərpasından getmir - belə abidələr ölkəmizin bütün ərazisində mövcuddur", - deyə o bildirib.

Onun sözlərinə görə, Mədəniyyət Nazirliyi apardığı axtarış işləri zamanı belə obyektləri bir-bir müəyyənləşdirir və onları dövlət tərəfindən qorunan irs obyektlərinin siyahısına daxil edir.

Banu Hüseynli

Oxşar xəbərlər

Leyla Əliyeva və Arzu Əliyeva Şəkidə tarixi-memarlıq abidələrinin bərpadan sonra açılışında iştirak ediblər

Türkiyə, Gürcüstan və İraqın azərbaycanlı din xadimləri Bibiheybət məscidini ziyarət edib

Prezident İlham Əliyev Şuşada "Yasəmən" hotelinin yeni korpusları ilə tanış olub

Şuşada "Xarıbülbül" IX Beynəlxalq Musiqi Festivalı keçirilir

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub