Azərbaycanda universitetlərdən birində təhsil alan iki tələbə qız şantaj edilib.

BAKU.WS Oxu.az-a istinadən xəbər verir ki, futbol məşqçisi olan Bakı şəhər sakini Faiq Əhmədov (soyad şərtidir) universitetin tələbəsi olan Gülnarla (ad şərtidir) tanış olub və aralarında münasibət yaranıb. Bir müddətdən sonra Faiq Gülnarın rəfiqəsi olan Xəyalə (ad şərtidir) ilə də tanış olub. Məlum olub ki, Xəyalə Coşqun adlı şəxslə sevgilidir. Bir gün o, universitetinin yaxınlığındakı stadionda futbol oynayarkən Xəyalənin sevgilisi Coşqunla dalaşdığını və huşunu itirdiyini görüb. Coşqunun onu yardım etmək məqsədi ilə qucağına götürərək yaxınlıqdakı tibb məntəqəsinə apardığını görüb.

Bir neçə gündən sonra o, Xəyalə ilə görüşərək, guya Coşqunun onu qucağına götürdüyü vaxt universitet tələbələri tərəfindən videoya çəkildiyini və videonun yayıldığını bildirib. Faiq bunu bəhanə edərək tələbə qızdan videoların silinməsi üçün pul tələb edib. O, bu məqsədlə Xəyalədən ayrı-ayrı vaxtlarda iki dəfə 500, daha sonra 800, 200 və 100 manat olmaqla ümumilikdə 2100 manat alıb. Bununla sakitləşməyən Faiq Xəyaləni yaşadığı mənzilə çağırıb və ona təcavüz edib, tələbə xanımla bir neçə dəfə qeyri-təbii yolla cinsi əlaqədə olub.

Faiq daha sonra Gülnardan da 900 manat və noutbuk alıb, qaytarmayıb.

Tələbələrin şikayəti əsasında araşdırmalara başlanılıb. Polis əməkdaşlarının keçirdikləri tədbirlərlə Faiq Əhmədov saxlanılıb. Faktla bağlı cinayət işi başlanılıb və iş məhkəməyə göndərilib. Məhkəmədə faktlar sübuta yetirilib və təqsirləndirilən şəxsə hökm oxunub. Məhkəmənin hökmü ilə F.Əhmədov 11 il azadlıqdan məhrum edilib.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

Dələduzlar qızdan görün necə pul almağa çalışdılar - Heç kimin ağlına gəlməzdi...

SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib

HONOR flaqmanı əlçatan edir: 200 MP kamera və "AI Şəkildən Videoya" funksiyasına sahib 600 seriyası