Lerikdə iki qəzada üç nəfər ağır xəsarət alıb.

"Far.Az"un Cənub bürosunun məlumatına görə qəzalardan biri Lerik-Zuvand yolunun Blabənd kəndi ərazisində baş verib.

Belə ki, Sadiq Novruzovun idarə etdiyi "VAZ-2121 (Niva) markalı nəqliyyat vasitəsi hərəkətdə olarkən "UAZ" markalı nəqliyyat vasitəsi ilə toqquşub. Qəza nəticəsində "Niva" markalı nəqliyyat vasitəsində olan 3 nəfər xəsarət alıb. Xəsarət alanlardan biri Lerik rayonunun Pirəsora kənd sakini 1963-cü il təvəllüdlü Fədail Bəbir oğlu Bağırov Lənkəran Rayon Mərkəzi Xəstəxanasına çatdırılıb. O, ilkin tibbi müdaxilədən sonra reanimasiya şöbəsinə yerləşdirilib (digər iki nəfərin xəsarəti yüngül olub).

Digər yol qəzası Lənkəran-Lerik magistralının 39-cu km-də qeydə alınıb. Lerik rayonunun Zenoni kənd sakini 1985-ci il təvəllüdlü Həmid Heybət oğlu Dövlətovun idarə etdiyi "VAZ-2107" markalı minik avtomobili idarəetmədən çıxaraq yol kənarındakı ağaca çırpılıb. Qəza nəticəsində sürücü və sərnişin - sürücünün həmkəndlisi 1996-cı il təvəllüdlü İsmayıl Maşallah oğlu Əliyev müxtəlif dərəcəli bədən xəsarətləri alaraq Lənkəran Rayon Mərkəzi xəstəxanasına çatdırılıblar.

Hər iki fakt üzrə araşdırmalara başlanılıb.

Oxşar xəbərlər

Horadiz–Cəbrayıl–Zəngilan–Ağbənd yolunun tikintisi 95 % icra olunub

"Yaprak dökümü"nün aktrisası: "Bu ağaca görə iki saat yarım yol getdik"

Bakının mərkəzində sükanı bloklanan maşın ağaca çırpıldı - GÖRÜNTÜLƏR

İlham Əliyev Cənub Qaz Dəhlizi Məşvərət Şurası çərçivəsində nazirlərin 12-ci iclasında iştirak edib

Dövlətə məxsus nəqliyyat vasitələri min manatdan başlayan qiymətlərlə satışa çıxarılır