Braziliyada prezident seçkilərində məğlub olan senator Flavio Bolsonaronun həyat yoldaşı və qızları ilə birlikdə ölkəni tərk edərək ABŞ-yə getdiyi iddia olunur.

Far.Az xəbər verir ki, bu barədə "CNN Brasil" telekanalı məlumat yayıb. Telekanalın mənbələri senatorun ABŞ-yə çatdığını təsdiqləyib.

Məlumata görə, Flavio Bolsonaro atası, Braziliyanın keçmiş prezidenti Jair Bolsonaronun yolunu davam etdirib. Belə ki, Jair Bolsonaro da 2022-ci ildə keçirilən prezident seçkilərində Luiz İnasio Lula da Silvaya məğlub olduqdan sonra ABŞ-yə getmişdi.

Bildirilib ki, Braziliya Federal Ali Məhkəməsinin hakimi Aleksandr de Morais daha əvvəl senatorun adi və diplomatik pasportlarını polisə təhvil verməsini tələb edib. Bundan əlavə, çirkli pulların yuyulması ilə bağlı cinayət işi üzrə istintaq çərçivəsində onun ölkədən çıxmasına qadağa qoyulduğu qeyd olunur.

"Folha de S.Paulo" qəzeti Flavio Bolsonaronun gizli şəkildə Argentina sərhədini keçərək, oradan şəxsi təyyarə ilə ABŞ-yə uçmuş ola biləcəyini yazmışdı.

Lakin Braziliya və Argentina miqrasiya xidmətlərinin məlumatlarında senatorun sərhədi rəsmi qaydada keçməsi qeydə alınmayıb.

Hazırda onun ölkədən hansı marşrutla getdiyi ilə bağlı məlumatlar tam aydın deyil

Oxşar xəbərlər

Şəhid olmuş bir qrup hərbi qulluqçu və mülki işçi ölümündən sonra təltif olunub

Prezident İlham Əliyev Əfv Sərəncamı imzalayıb

CNN Brasil: Bolsonaru ailəsi ilə birlikdə Braziliyadan qaçaraq ABŞ-yə gedib – Yenilənib

Silahlı Qüvvələrin bir qrup hərbi qulluqçu təltif edilib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3