Qlobal kiberhücumun miqyası böyüyür: 178-dən çox şirkət zərər gördü
Far.Az xəbər saytı

Qlobal kiberhücumun miqyası böyüyür: 178-dən çox şirkət zərər gördü


178-dən çox böyük beynəlxalq şirkətin internet saytı "Optimizely" adlı veb-sayt optimallaşdırma xidmətində aşkarlanan təhlükəsizlik boşluğu vasitəsilə zərərli kodun yayılmasına məruz qalıb.

Far.Az Oxu.Az-a istinadən xəbər verir ki, bu barədə "Report URI" şirkətinin təsisçisi və veb-təhlükəsizlik üzrə mütəxəssis Skott Helme təşkilatın saytında məlumat verib.

Onun sözlərinə görə, hücumdan ABŞ-nin məşhur "Fox News" və CNN telekanalları, HSBC bankı, "Equifax" kredit bürosu, İsveçin "IKEA" mebel şirkəti, Fransanın "Air France-KLM" aviaşirkəti və "Zoom" videozəng platforması da təsirlənib. Striminq və onlayn qumar platformaları, eləcə də kriptovalyuta ticarəti ilə məşğul olan resurslar da hücuma məruz qalanlar arasındadır.

Skott Helme qeyd edib ki, hakerlər təsirə məruz qalan şirkətlərin müntəzəm istifadə etdiyi "Optimizely" xidmətində təhlükəsizlik boşluğu aşkarlayıblar. Həmin boşluqdan istifadə edən hücumçular ödəniş kartlarının məlumatlarını ələ keçirib, istifadəçilərin ekran görüntülərini əldə edib və kriptovalyuta cüzdanlarının ünvanlarını öz ünvanları ilə əvəzləyiblər.

Dəymiş zərərin ümumi miqyasını hazırda qiymətləndirmək mümkün deyil.

Ekspert hücumdan təsirlənən şirkətləri internet saytlarının təhlükəsizliyini yeniləməyə çağırıb. O, həmçinin aşkarlanmış zərərli kodların, demək olar ki, hamısının artıq silindiyini bildirib.

Oxşar xəbərlər

Bakıda tanınmış şirkət bahalı maşınlarını ucuz qiymətə satışa çıxardı - SİYAHI
Bakıda COP29-un Liderlər Sammitinin iştirakçılarının qarşılanma mərasimi keçirilib - YENİLƏNİB
İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib
İlham Əliyev V “ADEX-2024” və “Securex Caspian” sərgiləri ilə tanış olub - YENİLƏNİB-2
Klassik avtomobillərin yürüşü və sərgisi keçirilib

Ən son xəbərləri bizim

"Facebook" səhifəmizdə izləyin

Digər xəbərlər